კონფიდენციალურობის პოლიტიკა

ნატვრა აგებულია ისე, რომ მომხმარებელზე პერსონალური მონაცემები საერთოდ არ დასჭირდეს. რეგისტრაცია არ არის, ანგარიში არ იქმნება, სახელი, ელფოსტა ან ტელეფონი არ იკითხება.

1. მონაცემთა დამმუშავებელი

მონაცემთა დამმუშავებელია ი/მ ბექარ გურგენიძე. კითხვებისთვის: natvra.online@gmail.com.

2. შეგროვებული ინფორმაცია

2.1. ვაგროვებთ მხოლოდ სერვისის ფუნქციონირებისა და ტრანზაქციის იდენტიფიცირებისთვის საჭირო მინიმალურ მონაცემებს. ყოველ განხორციელებულ ტრანზაქციაზე ინახება:

• არჩეული მონეტის კატეგორია (მაგ. „სიყვარული");
• თანხა და ვალუტა;
• ოპერაციის სტატუსი — შესრულდა თუ უარყოფილია;
• ტრანზაქციის ტექნიკური იდენტიფიკატორები (Order ID — ჩვენი და ბანკის);
• რომელი ციტატა მოხვდა ბარათზე;
• თარიღი და დრო.

2.2. ვებგვერდი Cookie ფაილებს არ იყენებს. სარეკლამო ან ანალიტიკური Cookie-ები არ იწერება, მესამე მხარის თვალთვალის სკრიპტები (რეკლამის ქსელები, სოციალური პიქსელები) საიტზე არ დგას.

2.3. ვებგვერდი საკუთარ ბაზაში აღრიცხავს ანონიმურ სტატისტიკურ ჩანაწერებს იმის შესახებ, თუ როგორ გამოიყენება საიტი: გაიხსნა გვერდი, აირჩა მონეტა, გაიხსნა გადახდის ფანჯარა. ჩანაწერი შეიცავს მხოლოდ მოქმედების სახელს, მონეტის კატეგორიას, დროს (წუთის სიზუსტით) და სარეკლამო არხის აღნიშვნას, თუ მომხმარებელი ჩვენი ბმულით მოვიდა. ეს ჩანაწერები არ შეიცავს IP მისამართს, Cookie-ს, მოწყობილობის ან მომხმარებლის არანაირ იდენტიფიკატორს და მათი კონკრეტულ ადამიანთან დაკავშირება შეუძლებელია.

2.4. ვებგვერდის ჰოსტინგის მიმწოდებელი, ნებისმიერი ვებსერვერის მსგავსად, ავტომატურად აღრიცხავს ტექნიკურ სამსახურებრივ ჩანაწერებს (IP მისამართი, ბრაუზერის იდენტიფიკატორი, მოთხოვნის დრო). ეს ჩანაწერები საჭიროა უსაფრთხოებისა და გამართული მუშაობისთვის; მათ ჩვენ არ ვამუშავებთ მარკეტინგული მიზნით და მომხმარებლის ვინაობასთან არ ვაკავშირებთ.

3. რას არ ვინახავთ

• საბანკო ბარათის მონაცემებს — სრულ ნომერს, მოქმედების ვადას, CVC/CVV კოდს.
• სახელს, გვარს, ელფოსტას, ტელეფონს — არც ვითხოვთ.
• ჩაფიქრებულ სურვილს. იგი მხოლოდ მომხმარებელთან რჩება — ვებგვერდი მას არსად კრებს და ვერც შეიტყობს.
• ანგარიშებს, პაროლებს, სესიებს — ისინი არ არსებობს.

ზემოთ ჩამოთვლილი ტრანზაქციული ჩანაწერები კონკრეტულ ადამიანს არ უკავშირდება. ჩვენს ბაზაში არაფერია, რითაც ტრანზაქციას მისი განმახორციელებლის ვინაობას დავუკავშირებდით.

4. საბანკო ბარათების უსაფრთხოება

4.1. ადმინისტრაცია არ აგროვებს, არ ამუშავებს და არ ინახავს მომხმარებლის საბანკო ბარათის მონაცემებს.

4.2. გადახდის ყველა ოპერაცია სრულდება სს „საქართველოს ბანკის" უსაფრთხო, საერთაშორისო PCI DSS სტანდარტის მქონე სერვერებზე. ბანკს ჩვენგან გადაეცემა მხოლოდ თანხა, ვალუტა, პროდუქტის დასახელება და დასაბრუნებელი მისამართები.

5. მონაცემთა გამოყენება და მესამე მხარეები

5.1. შეგროვებული ინფორმაცია გამოიყენება მხოლოდ:

• ტრანზაქციების სწორად აღრიცხვისა და სერვისის მყისიერი მიწოდებისთვის;
• ტექნიკური ხარვეზების აღმოფხვრისა და უსაფრთხოების მონიტორინგისთვის;
• თანხის დაბრუნების მოთხოვნის განხილვისთვის.

5.2. სერვისის მუშაობისთვის ვიყენებთ შემდეგ მიმწოდებლებს:

Vercel Inc.

ვებგვერდის ჰოსტინგი და სერვერული ფუნქციები.

Supabase

მონაცემთა ბაზა ტრანზაქციების ჩანაწერებისთვის. სერვერები — ევროკავშირში (ფრანკფურტი).

სს „საქართველოს ბანკი"

გადახდის დამუშავება.

5.3. პერსონალური მონაცემები არ გადაეცემა, არ იყიდება და არ გასხვისდება მესამე პირებზე, გარდა საქართველოს მოქმედი კანონმდებლობით პირდაპირ განსაზღვრული შემთხვევებისა.

6. მონაცემთა შენახვის ვადა

ტრანზაქციის ჩანაწერი ინახება საბუღალტრო და საგადასახადო კანონმდებლობით დადგენილი ვადით, რის შემდეგაც იშლება ან საბოლოოდ განზოგადდება სტატისტიკამდე.

7. მომხმარებლის უფლებები

7.1. „პერსონალურ მონაცემთა დაცვის შესახებ" საქართველოს კანონის შესაბამისად, მომხმარებელს უფლება აქვს მოითხოვოს ინფორმაცია მის შესახებ დამუშავებული მონაცემების თაობაზე, მოითხოვოს მათი გასწორება, განახლება ან წაშლა ადმინისტრაციასთან დაკავშირების გზით.

7.2. ვინაიდან პერსონალურ მონაცემებს არ ვაგროვებთ, ჩვენს ბაზაში, როგორც წესი, მოსაძებნი არაფერია. კითხვის შემთხვევაში: natvra.online@gmail.com, პასუხი 2 სამუშაო დღეში.

7.3. საჩივრით შესაძლებელია მიმართვა პერსონალურ მონაცემთა დაცვის სამსახურისადმი.

8. ცვლილებები

განახლებული ვერსია ქვეყნდება ამავე მისამართზე, თარიღის მითითებით.

ბოლო განახლება: 2026 წლის 28 აგვისტო